En cumprimento do disposto no Regulamento (UE) 2016/679 do Parlamento Europeo e do Consello, do 27 de abril de 2016, Xeral de Protección de Datos (RXPD), e na Lei Orgánica 3/2018, do 5 de decembro, de Protección de Datos Persoais e garantía dos dereitos dixitais (LOPDXDD), o Concello de Pontecesures informa os cidadáns e usuarios sobre o tratamento dos seus datos de carácter persoal que se realiza a través das distintas canles e servizos municipais: sitio web, sede electrónica, instalacións, servizos presenciais, actividades, formularios e demais medios de contacto.

Esta Política de Privacidade ten por obxecto ser o documento de referencia único ao que poidan remitirse todos os medios de comunicación municipal (carteis, folletos, notificacións, formularios en liña e presenciais, redes sociais, etc.), recollendo a totalidade das finalidades de tratamento de datos persoais que pode levar a cabo o Concello de Pontecesures no exercicio das súas competencias e servizos.

1. RESPONSABLE DO TRATAMENTO

Denominación	Concello de Pontecesures
NIF	P3604400F
Domicilio	Avda. Cidade de Vigo, 23 – 36640 Pontecesures (Pontevedra)
Teléfonos	986 557 125 / 986 564 415
Fax	986 557 554
Correo-e	concello@pontecesures.org
Web	www.pontecesures.org / www.pontecesures.gal

2. DELEGADO/A DE PROTECCIÓN DE DATOS (DPD)

O Concello de Pontecesures ten designado como Delegado de Protección de Datos (DPD/DPO) á entidade DELYSER ABOGADOS, SLP, de conformidade co disposto no artigo 37 do RXPD e a disposición adicional décimo oitava da LOPDXDD. Os seus datos de contacto son:

DPD	DELYSER ABOGADOS, SLP
Correo-e DPD	dpo@pontecesures.gal
Enderezo postal	Concello de Pontecesures – Atención DPD Avda. Cidade de Vigo, 23 – 36640 Pontecesures (Pontevedra)

O DPD poderá ser contactado directamente para calquera cuestión relacionada co tratamento dos seus datos persoais e co exercicio dos seus dereitos.

3. FINALIDADES DO TRATAMENTO, BASE XURÍDICA, DATOS E PRAZOS DE CONSERVACIÓN

A continuación detállanse todas as finalidades para as que o Concello de Pontecesures pode tratar datos persoais, indicando en cada caso a base xurídica que lexitima o tratamento, as categorías de datos afectados e os prazos de conservación.

A) ATENCIÓN CIDADÁ E COMUNICACIÓN XERAL

A.1 Formulario de contacto e consultas xerais

Finalidade	Xestión e resposta ás consultas, solicitudes de información ou comunicacións enviadas a través do formulario de contacto do sitio web, correo electrónico ou presencialmente.
Base xurídica	Consentimento do interesado (art. 6.1.a RXPD).
Datos	Nome e apelidos, correo electrónico, teléfono (opcional), contido da mensaxe.
Prazo	O tempo necesario para dar resposta á consulta e, unha vez resolto, ata 3 anos para atender posibles responsabilidades.
Destinatarios	Non está prevista a cesión a terceiros agás obriga legal.

A.2 Subscrición ao boletín e comunicacións municipais (newsletter)

Finalidade	Envío de boletíns informativos, noticias municipais, convocatorias e comunicacións de interese sobre actividades e servizos do Concello.
Base xurídica	Consentimento do interesado (art. 6.1.a RXPD). O consentimento pode retirarse en calquera momento.
Datos	Nome, apelidos e correo electrónico. Opcionalmente número de teléfono para envío por mensaxería.
Prazo	Ata a retirada do consentimento ou baixa na subscrición.
Destinatarios	Provedores de servizos de envío de correo electrónico (encargados de tratamento), sen cesión a terceiros.

A.3 Redes sociais

Finalidade	Xestión da presenza do Concello nas redes sociais (Facebook, Instagram, X/Twitter, YouTube, etc.) e atención de comentarios, mensaxes e interaccións dos cidadáns nas mesmas.
Base xurídica	Interese lexítimo do Concello (art. 6.1.f RXPD) e consentimento tácito do usuario ao interactuar voluntariamente coas publicacións.
Datos	Datos do perfil público do usuario na rede social; contido das mensaxes ou comentarios publicados.
Prazo	O tempo que permanezan publicados os contidos na rede social e, en caso de mensaxes recibidas, ata 1 ano desde a última interacción.
Destinatarios	As propias plataformas de redes sociais, que actúan como responsables independentes baixo as súas propias políticas de privacidade.

B) TRAMITACIÓN ADMINISTRATIVA E SEDE ELECTRÓNICA

B.1 Rexistro de entrada e saída de documentos

Finalidade	Rexistro, xestión e seguimento dos documentos e solicitudes presentadas perante o Concello, por calquera vía (presencial, postal ou electrónica).
Base xurídica	Obriga legal – Lei 39/2015, do 1 de outubro, do Procedemento Administrativo Común (art. 6.1.c RXPD).
Datos	Nome e apelidos ou razón social, NIF/CIF, enderezo, correo electrónico, teléfono, contido do escrito ou solicitude.
Prazo	Mínimo 5 anos, e en todo caso conforme á normativa de arquivos e patrimonio documental de Galicia.
Destinatarios	Outros organismos públicos cando sexa legalmente necesario (Xunta de Galicia, Deputación, etc.).

B.2 Padrón municipal de habitantes

Finalidade	Xestión e mantemento do Padrón Municipal de Habitantes. Acreditación da residencia e domicilio habitual. Expedición de certificacións e volantes de empadroamento.
Base xurídica	Obriga legal – Lei 7/1985, Reguladora das Bases do Réxime Local; Real Decreto 1690/1986, Regulamento de Poboación e Demarcación Territorial (art. 6.1.c RXPD).
Datos	Nome e apelidos, NIF/NIE/pasaporte, data de nacemento, sexo, nacionalidade, enderezo, datos de convivencia.
Prazo	Indefinido mentres se manteña o empadroamento; datos históricos conservados segundo normativa de arquivos.
Destinatarios	Instituto Nacional de Estadística (INE), Xunta de Galicia, outros organismos públicos con habilitación legal.

B.3 Licenzas, autorizacións e permisos urbanísticos e de obras

Finalidade	Tramitación de solicitudes de licenzas de obra, licenzas de primeira ocupación, comunicacións previas, declaracións responsables e demais autorizacións urbanísticas ou de actividade.
Base xurídica	Obriga legal e exercicio de poderes públicos – Lei 2/2026 do Solo de Galicia; Lei 9/2013, do emprendemento e a competitividade económica de Galicia; LBRL (art. 6.1.c e 6.1.e RXPD).
Datos	Nome, apelidos, NIF, datos de contacto, datos do inmoble ou actividade, datos técnicos do proxecto.
Prazo	Durante a vixencia da licenza e, en todo caso, mínimo 10 anos desde a súa resolución.
Destinatarios	Consellería competente en materia de urbanismo, Catastro, Rexistro da Propiedade.

B.4 Xestión tributaria, fiscal e recadación municipal

Finalidade	Xestión, liquidación, recadación e inspección dos tributos municipais (IBI, IAE, IVTM, ICIO, taxas e prezos públicos) e das infraccións e sancións de tráfico e administrativas.
Base xurídica	Obriga legal – Lei 58/2003, Xeral Tributaria; Real Decreto Lexislativo 2/2004, TRLHL; Lei 58/2003 (art. 6.1.c RXPD).
Datos	Nome, apelidos ou razón social, NIF/CIF, enderezo, datos bancarios (domiciliación), datos do ben ou actividade tributada.
Prazo	4 anos para dereito a liquidar e 5 anos para cobro; en materia sancionadora, ata a prescrición da infracción.
Destinatarios	Axencia Estatal de Administración Tributaria (AEAT), Consellería de Facenda da Xunta de Galicia, entidades colaboradoras na recadación.

B.5 Subvencións e axudas municipais

Finalidade	Tramitación, concesión, xestión e control das subvencións, bolsas e axudas convocadas polo Concello.
Base xurídica	Obriga legal e exercicio de poderes públicos – Lei 38/2003, Xeral de Subvenciones; Lei 9/2007 galega de subvencions (art. 6.1.c e 6.1.e RXPD).
Datos	Nome, apelidos ou razón social, NIF/CIF, datos de contacto, datos bancarios, documentación xustificativa da solicitude.
Prazo	Mínimo 5 anos desde a resolución definitiva e xustificación da subvención.
Destinatarios	Órganos de control e fiscalización (Tribunal de Contas, Consello de Contas de Galicia, Xunta de Galicia), Axencia Tributaria.

B.6 Contratación pública

Finalidade	Xestión dos procedementos de contratación pública (licitacións, concursos, contratos menores) e do Rexistro de Contratistas.
Base xurídica	Obriga legal – Lei 9/2017, de Contratos do Sector Público (art. 6.1.c RXPD).
Datos	Nome, apelidos ou razón social, NIF/CIF, datos de contacto, datos bancarios, datos económicos e técnicos das propostas.
Prazo	Mínimo 5 anos desde a extinción do contrato.
Destinatarios	Rexistro Oficial de Licitadores e Empresas Clasificadas do Sector Público (ROLECE), plataformas de contratación do sector público.

B.7 Queixas, suxestións e reclamacións

Finalidade	Recepción, tramitación e resposta das queixas, suxestións, reclamacións patrimoniais e denuncias presentadas polos cidadáns.
Base xurídica	Exercicio de poderes públicos e obriga legal (art. 6.1.c e 6.1.e RXPD).
Datos	Nome, apelidos, NIF, enderezo, correo electrónico, teléfono e contido da queixa ou reclamación.
Prazo	5 anos desde a resolución definitiva do expediente.
Destinatarios	Valedora do Pobo (Galicia) ou Defensor del Pueblo, e outros organismos cando sexa legalmente necesario.

B.8 Certificacións e actos de fe pública

Finalidade	Expedición de certificacións, informes, copias auténticas e demais actos de fe pública municipal (certificados de empadroamento, de convivencia, de bens, actas municipais, etc.).
Base xurídica	Obriga legal e exercicio de poderes públicos (art. 6.1.c e 6.1.e RXPD).
Datos	Nome, apelidos, NIF e datos obxecto da certificación.
Prazo	5 anos desde a expedición.
Destinatarios	Exclusivamente ao solicitante lexítimo ou a terceiros con habilitación legal.

C) SERVIZOS MUNICIPAIS E ATENCIÓN SOCIAL

C.1 Servizos Sociais municipais

Finalidade	Valoración, xestión e prestación dos servizos sociais municipais: axuda no fogar (SAD), teleasistencia, información e orientación social, emerxencias sociais, prestacións económicas de urxencia, coordinación con outros servizos.
Base xurídica	Obriga legal e exercicio de poderes públicos – Lei 13/2008, de Servizos Sociais de Galicia; Lei 10/2013, de inclusión social (art. 6.1.c e 6.1.e RXPD). Posibles categorías especiais: art. 9.2.b e 9.2.h RXPD.
Datos	Datos identificativos, datos de saúde e funcionais, datos socioeconómicos, datos de convivencia e composición familiar.
Prazo	Mínimo 10 anos desde o último tratamento activo do expediente.
Destinatarios	Consellería de Política Social da Xunta de Galicia, Deputación Provincial, Sistema para a Autonomía e Atención á Dependencia (SAAD/IMSERSO), outros servizos sociais.

C.2 Actividades culturais, deportivas, de lecer e formativas

Finalidade	Inscrición, xestión e seguimento de actividades municipais: obradoiros, cursos, actividades deportivas, eventos culturais, festexos, excursións e demais programas municipais.
Base xurídica	Execución dunha relación contractual ou precontractual (art. 6.1.b RXPD) e consentimento cando corresponda (art. 6.1.a RXPD).
Datos	Nome, apelidos, data de nacemento, DNI, enderezo, correo electrónico, teléfono. Para menores: datos do proxenitor/titor e autorización. En actividades deportivas: datos de saúde relevantes (alerxias, etc.) con consentimento explícito.
Prazo	Ata 3 anos desde a finalización da actividade ou, en caso de menores, ata a maioría de idade + 1 ano.
Destinatarios	Entidades organizadoras ou colaboradoras na actividade cando sexa necesario; compañías aseguradoras.

C.3 Instalacións municipais (pavillón, pistas, local social, etc.)

Finalidade	Xestión das reservas e uso das instalacións municipais (pavillón deportivo, piscina pistas, salóns, locais, instalacións de ocio).
Base xurídica	Execución dunha relación contractual ou precontractual (art. 6.1.b RXPD).
Datos	Nome, apelidos, NIF, teléfono, correo electrónico e, cando sexa necesario, datos de pagamento de taxas.
Prazo	Ata 3 anos desde a última reserva ou uso.
Destinatarios	Non está prevista a cesión a terceiros agás obriga legal.

C.4 Cemiterio municipal

Finalidade	Xestión administrativa dos sepulcros, nichos e unidades de enterramento do cemiterio municipal: concesións, renovacións, inhumacións, exhumacións e traslados.
Base xurídica	Obriga legal e exercicio de poderes públicos – lexislación sanitaria e de policía mortuoria (art. 6.1.c e 6.1.e RXPD).
Datos	Datos do falecido/a: nome, apelidos, data de nacemento e defunción. Datos do/a solicitante/concesionario: nome, apelidos, NIF, enderezo, teléfono.
Prazo	Permanente, por razóns de interese histórico e sanitario.
Destinatarios	Rexistro Civil, organismos sanitarios autonómicos.

C.5 Mercado municipal e vendedores ambulantes

Finalidade	Xestión de autorizacións para o exercicio da venda non sedentaria e de postos no mercado municipal.
Base xurídica	Obriga legal e exercicio de poderes públicos (art. 6.1.c e 6.1.e RXPD).
Datos	Nome, apelidos ou razón social, NIF/CIF, datos de contacto, datos fiscais e da actividade.
Prazo	Vixencia da autorización + 5 anos.
Destinatarios	Axencia Tributaria, Consellería competente en materia de comercio.

D) EMPREGO PÚBLICO E XESTIÓN DE PERSOAL

D.1 Procesos selectivos, oposicións e bolsas de emprego

Finalidade	Tramitación de procesos selectivos (oposicións, concursos, concursos-oposición) para o ingreso ou provisión de prazas no Concello. Formación e mantemento de bolsas de emprego público.
Base xurídica	Obriga legal e exercicio de poderes públicos – Real Decreto Lexislativo 5/2015, TREBEP; normativa galega de función pública (art. 6.1.c e 6.1.e RXPD).
Datos	Nome, apelidos, DNI, titulación académica, méritos, experiencia profesional, datos de contacto. Eventualmente, datos de categoría especial (discapacidade, con consentimento expreso).
Prazo	Ata 5 anos desde a resolución definitiva do proceso, ou o tempo de vixencia da bolsa de emprego.
Destinatarios	Tribunal seleccionador, publicación no BOP/DOG (listaxes de aprobados).

D.2 Xestión de persoal laboral e funcionario

Finalidade	Xestión laboral, retributiva, formativa, de prevención de riscos laborais e de seguridade social do persoal ao servizo do Concello.
Base xurídica	Obriga legal e relación contractual – Estatuto dos Traballadores, TREBEP, LGSS (art. 6.1.b e 6.1.c RXPD). Datos de saúde: art. 9.2.b RXPD.
Datos	Datos identificativos, laborais, retributivos, de seguridade social, de saúde (vixilancia da saúde, IT), sindicais (se procede), datos bancarios.
Prazo	Mínimo 5 anos desde a extinción da relación laboral; datos salariais: 10 anos; datos de saúde laboral: 30 anos.
Destinatarios	Tesourería Xeral da Seguridade Social, Axencia Tributaria, mutuas, entidades bancarias, órganos sindicais e de representación de traballadores.

E) PARTICIPACIÓN CIDADÁ E TRANSPARENCIA

E.1 Participación cidadá e consultas públicas

Finalidade	Recollida de achegas, votacións e participación cidadá en consultas públicas previas, procesos participativos, orzamentos participativos e iniciativas populares.
Base xurídica	Exercicio de poderes públicos e obriga legal – Lei 39/2015; Lei 1/2016 galega de transparencia (art. 6.1.c e 6.1.e RXPD).
Datos	Nome, apelidos, NIF, enderezo e correo electrónico para identificar ao participante e evitar duplicidades.
Prazo	Ata 3 anos desde a resolución do proceso participativo.
Destinatarios	Non está prevista a cesión a terceiros agás obriga legal.

E.2 Transparencia e acceso á información pública

Finalidade	Tramitación de solicitudes de acceso á información pública ao abeiro da normativa de transparencia.
Base xurídica	Obriga legal – Lei 19/2013, de transparencia; Lei 1/2016 galega de transparencia (art. 6.1.c RXPD).
Datos	Nome, apelidos, NIF, datos de contacto e contido da solicitude.
Prazo	5 anos desde a resolución da solicitude.
Destinatarios	Consello de Transparencia e Bo Goberno, órganos de control autonómicos.

F) SEGURIDADE, ORDE PÚBLICA E PROTECCIÓN CIVIL

F.1 Videovigilancia

Finalidade	Seguridade de instalacións municipais, bens públicos e cidadáns mediante sistemas de cámara de videovigilancia instalados en espazos públicos ou instalacións de titularidade municipal.
Base xurídica	Interese público e exercicio de poderes públicos – Lei Orgánica 4/1997, de videovigilancia; instrución 1/2006 da AEPD; Lei Orgánica 7/2021 (art. 6.1.e RXPD).
Datos	Imaxes das persoas captadas polos sistemas de videovigilancia.
Prazo	Máximo 30 días naturais desde a gravación, agás que sexan necesarias para acreditar infraccións ou facilitalas ás Forzas e Corpos de Seguridade.
Destinatarios	Forzas e Corpos de Seguridade do Estado e Policía Local, órganos xudiciais, cando sexa legalmente necesario.

F.2 Policía Local e infraccións

Finalidade	Tramitación de denuncias, infraccións e expedientes sancionadores en materia de tráfico, convivencia, actividades e demais competencias municipais.
Base xurídica	Obriga legal e exercicio de poderes públicos – LBRL; RDL 6/2015, de Tráfico (art. 6.1.c e 6.1.e RXPD).
Datos	Datos identificativos do denunciante e do denunciado, datos do vehículo, datos da infracción.
Prazo	Ata a prescrición da infracción e, en todo caso, mínimo 5 anos.
Destinatarios	Dirección Xeral de Tráfico (DGT), Forzas e Corpos de Seguridade, órganos xudiciais.

F.3 Protección civil e emerxencias

Finalidade	Xestión de plans de emerxencia municipal, convocatoria de voluntarios de protección civil e comunicación de alertas e emerxencias á cidadanía.
Base xurídica	Obriga legal e exercicio de poderes públicos – Lei 5/2007 galega de protección civil e emerxencias (art. 6.1.c e 6.1.e RXPD).
Datos	Datos identificativos e de contacto de voluntarios e persoas en situación de emerxencia.
Prazo	Mentres dure a vinculación como voluntario + 5 anos; datos de emerxencias, 5 anos.
Destinatarios	Axencia Galega de Emerxencias (AXEGA), Subdelegación do Goberno, Servizos de extinción de incendios.

G) MEDIO AMBIENTE, SAÚDE PÚBLICA E URBANISMO

G.1 Medio ambiente e residuos

Finalidade	Xestión de solicitudes e denuncias en materia de medio ambiente, ruído, residuos, saneamento e outras competencias ambientais municipais.
Base xurídica	Obriga legal e exercicio de poderes públicos – normativa ambiental estatal e galega (art. 6.1.c e 6.1.e RXPD).
Datos	Datos identificativos do solicitante/denunciante, localización, contido da denuncia ou solicitude.
Prazo	5 anos desde a resolución do expediente.
Destinatarios	Consellería de Medio Ambiente e Territorio, Axencia Galega de Residuos.

G.2 Saúde pública e sanidade ambiental

Finalidade	Xestión de actuacións de control sanitario ambiental (inspección de locais, augas, pragas, etc.) e colaboración con autoridades sanitarias.
Base xurídica	Obriga legal e exercicio de poderes públicos – Lei 33/2011, Xeral de Saúde Pública; lexislación sanitaria galega (art. 6.1.c RXPD).
Datos	Datos identificativos do titular do local ou instalación afectada, datos da actuación sanitaria.
Prazo	5 anos desde a actuación.
Destinatarios	Consellería de Sanidade da Xunta de Galicia, axencias sanitarias.

H) COMUNICACIÓN INSTITUCIONAL E IMAXE

H.1 Fotografía e gravación en actos municipais

Finalidade	Captación e publicación de fotografías e vídeos de actos, eventos e actividades organizadas polo Concello para a súa difusión informativa a través do sitio web, redes sociais e medios de comunicación.
Base xurídica	Consentimento do interesado (art. 6.1.a RXPD), ou interese lexítimo para imaxes tomadas en eventos públicos onde a presenza é voluntaria (art. 6.1.f RXPD). Para menores: consentimento dos proxenitores/titores.
Datos	Imaxe e voz das persoas que aparecen nos materiais audiovisuais.
Prazo	Mentres exista consentimento e, no caso de redes sociais, ata a súa retirada a petición do interesado.
Destinatarios	Publicación en medios de comunicación locais, sitio web e redes sociais do Concello.

H.2 Protocolo, representación e relacións institucionais

Finalidade	Xestión da axenda e correspondencia institucional, protocolo de actos oficiais e mantemento de relacións coa cidadanía, entidades e organismos.
Base xurídica	Exercicio de poderes públicos e interese lexítimo (art. 6.1.e e 6.1.f RXPD).
Datos	Datos identificativos e de contacto de interlocutores institucionais, representantes de entidades, medios de comunicación, etc.
Prazo	Ata 3 anos desde o último contacto ou mentres dure a relación institucional.
Destinatarios	Non está prevista a cesión a terceiros.

I) TECNOLOXÍA E SEGURIDADE INFORMÁTICA

I.1 Cookies e análise estatística da web

Finalidade	Análise do uso e navegación do sitio web para mellorar o seu funcionamento e os servizos ofrecidos, mediante o uso de cookies técnicas e, previo consentimento, de cookies analíticas e de preferencias.
Base xurídica	Consentimento para cookies non esenciais (art. 6.1.a RXPD e art. 22.2 LSSI). Interese lexítimo para cookies estritamente técnicas e necesarias (art. 6.1.f RXPD).
Datos	Enderezo IP, tipo de navegador, páxinas visitadas, duración das sesións, datos de dispositivo.
Prazo	Segundo o tipo de cookie: de sesión (extínguense ao pechar o navegador) ou persistentes (segundo o prazo indicado na Política de Cookies).
Destinatarios	Provedores de ferramentas de análise (p.ex. Google Analytics, se aplicable) baixo condicións de encargado de tratamento.

I.2 Seguridade e logs do sistema informático

Finalidade	Mantemento da seguridade do sitio web e dos sistemas informáticos municipais mediante rexistro de accesos, detección de intrusións e xestión de incidentes de seguridade.
Base xurídica	Obriga legal e interese lexítimo – Esquema Nacional de Seguridade (RD 311/2022) (art. 6.1.c e 6.1.f RXPD).
Datos	Enderezos IP, datos de acceso ao sistema, rexistros de actividade (logs).
Prazo	Máximo 2 anos, agás que exista un incidente de seguridade en investigación.
Destinatarios	Autoridades competentes en caso de incidente de seguridade ou delito informático.

4. ENCARGADOS DO TRATAMENTO

O Concello de Pontecesures pode contar con provedores de servizos externos que acceden a datos persoais no marco da prestación dos seus servizos (encargados do tratamento). Estes provedores actúan baixo instrucción do Concello, conforme a contratos de encargo de tratamento que garanten o cumprimento do RXPD, e nunca poderán utilizar os datos con fins propios nin cedelos a terceiros.

Entre os encargados de tratamento típicos do Concello figuran: provedores de servizos informáticos e de mantemento de sistemas, empresas de xestión de nóminas e contabilidade, plataformas de correo electrónico e comunicacións, empresas de destrución segura de documentos e outros servizos municipais externalizados.

5. TRANSFERENCIAS INTERNACIONAIS DE DATOS

Con carácter xeral, o Concello de Pontecesures non realiza transferencias internacionais de datos fóra do Espazo Económico Europeo (EEE). No caso de utilizarse ferramentas de terceiros (como plataformas de redes sociais ou servizos en nube) cuxos servidores poidan estar localizados fóra do EEE, estas transferencias estarán amparadas polas garantías adecuadas previstas no RXPD (decisión de adecuación, cláusulas contractuais tipo, etc.).

6. DEREITOS DAS PERSOAS INTERESADAS

As persoas cuxos datos sexan tratados polo Concello de Pontecesures teñen dereito a:

• Acceder aos seus datos persoais.
• Solicitar a rectificación dos datos inexactos ou incompletos.
• Solicitar a supresión dos datos cando, entre outros motivos, xa non sexan necesarios para os fins para os que foron recollidos.
• Solicitar a limitación do tratamento dos seus datos, en cuio caso o Concello só os conservará para o exercicio ou a defensa de reclamacións.
• Opoñerse ao tratamento dos seus datos, cando a base xurídica sexa o interese público ou o interese lexítimo, incluída a elaboración de perfís.
• Solicitar a portabilidade dos seus datos, naqueles casos en que o tratamento estea baseado no consentimento ou na execución dun contrato.
• Retirar o consentimento en calquera momento, sen que iso afecte á licitude do tratamento anterior á súa retirada.
• Non ser obxecto de decisións individuais automatizadas con efectos significativos, agás nas excepcións previstas na lei.

Para exercer calquera destes dereitos, o interesado deberá dirixirse por escrito, acreditando a súa identidade, ao Concello de Pontecesures:

Presencialmente	Avda. Cidade de Vigo, 23 – 36640 Pontecesures (Pontevedra) Registro de entrada, en horario de atención ao público.
Por correo postal	Concello de Pontecesures – Protección de Datos Avda. Cidade de Vigo, 23 – 36640 Pontecesures (Pontevedra)
Por correo-e	dpo@pontecesures.gal
Sede electrónica	www.pontecesures.org – Sección de Trámites / Sede Electrónica

O Concello resolverá a solicitude no prazo máximo dun mes (prorrogable dous meses máis en casos complexos). Se o interesado considera que o tratamento non se axusta á normativa vixente, ten dereito a presentar unha reclamación ante a Axencia Española de Protección de Datos (AEPD), www.aepd.es, autoridade de control competente.

7. SEGURIDADE DOS DATOS

O Concello de Pontecesures aplica as medidas técnicas e organizativas de seguridade axeitadas para garantir un nivel de seguridade proporcional ao risco, conforme ao artigo 32 do RXPD e ao Esquema Nacional de Seguridade (RD 311/2022), de obrigado cumprimento para as administracións públicas. Estas medidas inclúen, entre outras, control de acceso, cifrado de datos, xestión de incidentes, formación do persoal e auditorías periódicas.

En caso de detectar unha violación de seguridade que supuña un risco para os dereitos e liberdades dos interesados, o Concello notificarao á AEPD no prazo de 72 horas e, se o risco é elevado, tamén ás persoas afectadas.

8. MENORES DE IDADE

O sitio web do Concello de Pontecesures non está dirixido a menores de 14 anos. Para as actividades ou servizos municipais dirixidos a menores, será necesario o consentimento expreso dos proxenitores ou titores legais para o tratamento dos seus datos, de conformidade co artigo 8 do RXPD e o artigo 7 da LOPDXDD.

9. POLÍTICA DE COOKIES

O sitio web do Concello de Pontecesures utiliza cookies propias e de terceiros. Para información detallada sobre os tipos de cookies utilizados, a súa finalidade e como xestionar as preferencias de cookies, consulte a nosa Política de Cookies, dispoñible no sitio web www.pontecesures.org.

10. ACTUALIZACIÓN DESTA POLÍTICA

O Concello de Pontecesures resérvase o dereito de modificar esta Política de Privacidade en calquera momento para adaptala a cambios normativos, xurisprudenciais ou de funcionamento. Calquera modificación será publicada nesta páxina e, cando sexa relevante, comunicada aos interesados polos medios dispoñibles.

A presente Política de Privacidade foi actualizada en marzo de 2025.